Nagpagawas na og Memorandum Order No. 1292 of 2020 si City Mayor Jose E.Relampagos alang kay Economic Enterprise Department Head Nemesio L.Rasgo ug sa Traffic Management Unit in-charge Alvin Ybanez atol sa pag-implementa sa pagsoot og face shield o eye protector sa mga driver, konduktor, ug mga pasahero sa mga Public Utility Vehicle (PUV) o pampublikong sakyanan. Atol kini sa mga polisiya sa LTFRB ug Department of Transportation kabahin sa pagpugong sa pagkuyanap sa COVID-19 sa nasod.
Dugang pahinumdom sa MO ang (1) pag-implementa og physical distancing sulod sa PUV, (2) pagsunod sa standard health protocols sa IATF, ug (3) pag-iwas sa mga dili mahinungdanon nga pagstorya ug pagtawag sa cellphone sulod sa PUV.
Sa Memorandum Order ni Mayor Relampagos, nakasulat sad nga “Failure to wear Face Shield/eye protector shall be reasonable ground to refuse/deny boarding in any PUVs”. Tungod sa paglabag niini, pipila na ka driver ang nahatagan og penalty o maoy hinungdan sa pagpanaog sa ilang mga pasahero.
Ang maong mga pahinumdom strikto sad nga ipa-implementa sa Panabo City Integrated Bus and Jeepney Terminal.
Kung adunay reklamo, pwedeng etext ang hotline sa Isumbong mo Kay Mayor Joe sa 0939 792 4221 o pagmensahe sa ilang Facebook page sa https://www.facebook.com/IsumbongmokaiJoe.
| cio
