Enero 23, 2024 — Gitutukan pag-ayo karon sa Lokal nga Panggamhanan ilabi na ni City Mayor Jose E. Relampagos ang pagtaas sa datos sa gambling o sugal sa siyudad sa Panabo, gikan sa datos nga gipagawas atol sa City Peace and Order Council (CPOC) Meeting nga gipahitabo sa City Mayor’s Conference, 3rd Floor, Panabo City Hall.
Matod pa ni Mayor Relampagos nga, “Nagka worst ang sitwasyon sa gambling sa siyudad sa Panabo. Hangyo nako sa atong mga ahensya nga may kalabutan niini, nga atong pangusgan ang atong monitoring.”
Tubag usab ni PNP Chief of Police PLTCOL Jun A. Bautista, nga isip ahensya nga usa sa nagapatuman sa kahapsay sa siyudad, ilang paningkamotan nga mapakgang ang unsa mang matang nga sugal sa siyudad sa Panabo nga nakapataas sa maong datos.
Sa maong kalihokan, anaa ang tanang miyembro sa CPOC.
Service to Panaboans, Service to God!
| IDOB
Photos| R. Ligtas, CIO-MM
Categorized in Featured