Gipahitabo sa City Government of Panabo ang Groundbreaking Ceremony adtong Marso 25,2021 sa daang palengke (Central Market) alang sa itukod nga Panabo City Market Complex Project karong tuiga nga mokantidad og P450 Million. Usa kini ka prayoridad na infrastructure project ni City Mayor Jose E.Relampagos.

Plano usab ni Mayor Relampagos ang pag-usab sa hulagway sa palengke tungod daan na kini. “Atong tabangan ang katawhan sa siyudad nga mulambo ug makita ang kausaban sa Panabo City,” matod pa ni mayor sa iyang mensahe. “Kung maglingkod lang ko isip Mayor, useless kaayo kung walay makita na kausaban ug walay kapadulongan ang Panabo. Maong naningkamot ko na maplastar ta.”

Plano usab ni Mayor Relampagos ang pag-usab sa hulagway sa palengke tungod daan na kini. “Atong tabangan ang katawhan sa siyudad nga mulambo ug makita ang kausaban sa Panabo City,” matod pa ni mayor sa iyang mensahe. “Kung maglingkod lang ko isip Mayor, useless kaayo kung walay makita na kausaban ug walay kapadulongan ang Panabo. Maong naningkamot ko na maplastar ta.”

Ang proyekto, sumala pa ni City Government Department Head sa Economic Enterprise nga si Nemesio Rasgo, naplanohan og patukod sa administrasyon pa ni late City Mayor Hon. Atty. Jose Silvosa, Sr. ug napadayon sa administrasyon ni late City Mayor Hon. Engr. James G.Gamao. Apan, gipaningkamotan sa administrasyon ni Mayor Relampagos nga aktwal na kining matukod gumikan nga kinahanglan na bag-ohon ang hulagway sa siyudad sa Panabo.

Duyog sa seremonya si Governor Hon. Edwin I. Jubahib, Board Member Hon. Franklin D. Gentiles, Board Member Hon. Janris G. Relampagos, Officiating Minister Rev. Fr. Raymund Suela, City Administrator Pedrito Misoles, 8th City Council members nga gipangulohan ni Vice Mayor Hon. Janrey G. Gavina, si Alan Bascon nga representate ni Congressman Hon. Allan Dujali, 27th IB Commander LTC Victorino Seno, PNP Chief PLTCOL Atty. Verna L. Cabuhat, private stakeholders, city government department heads, ug barangay captains.

Gipahigayaon ang maong ceremony sa National Highway, Barangay New Pandan, Panabo City adtong March 25, 2021.

|Ivory Dawn Balogbog, CIO-PIRO
📸| CIO