Oktubre 11, 2022 — Gisaulog sa mga tribu sa siyudad sa Panabo ang ika-11th Buwan ng Tribu 2022 nga adunay tema nga “Respeto sa Kultura Proteksyonan, Katungod sa Kultura Panalipdan” kini ang pagselebrar sa padayong pag-ila sa mga tribu apil na ang ilang dakong kontribusyon sa katilingban diin ilang gipasundayag ang ilang mga maanindot nga sanina ug panimalay.

Atol usab niini gipahitabo ang pagturn-over sa bag-ong Panabo City Tribal Council Building nga nahimutang sa likod sa Panabo City Hall, Barangay JP Laurel.

Sumala pa ni City Tribal Chieftain Bae Merlinda Aranar nga dili gayud matukod ang maong building kung dili sa pagduso ni City Mayor Jose E. Relampagos. “Andam ang atong Mayor sa pagtubag sa atong mga hangyo ilabi na kung magtinarong kita sa atong pagserbisyo.

Sa siyudad sa Panabo adunay pito (7) ka tribu ang mitambong sa selebrasyon nga mao ang Manobo, Ata Manobo, Mandaya, Kagan, Bagobo, Sama, ug Taga Kaulo nga aktibo usab sa paghanyag sa ilang mga food delicacies nga giatangan sa kadaghanan ilabi na sa mga bisita nga mitambong.

Gisugdan sa usa ka ritwal ang pagsaulog, mga presentasyon sa mga tribu, ug mga mensahe. Padayon ang dakong suporta ug pagpangga ni Mayor Relampagos sa mga tribu sa siyudad sa Panabo ug siya nanghinaot na padayon ang pagpalambo sa matag tribu ug dili angay mag indigay o magpataas sa kung kinsa ang angayan mamuno. “Mabisaya man o adunay tribu, walay special treatment pareho kita pantay nga katawhan sa siyudad sa Panabo ug sa akong termino dili ko gusto nga magkatibulaag ang tribu, maong naningkamot ako dili lang ang building (Tribal Office)aduna pa kita’y ipahitabo nga mga aktibidades alang sa mga tribu,” dugang pa ni Mayor Relampagos.

Sa maong kalihokan, anaa si City Vice Mayor Banjong Dujali nga miabi-abi sa mga tribu ug ang mga konsehales nga sila, Hon. Janno Paolo Gentiles, Hon. Dizon Namuag, Hon. Sherlou Bangoy, Hon. Ian Rolet Catalan, Hon. Engr. Roland Ang, Hon. Christian Dujali, ug Hon. Omar Ranain. Anaa usab ang presenya nila Provincial IPMR sa Davao del Norte Board Hon. Member Datu Ariel Macla, NCIP Provincial Officer Roger S. Lumbin,Kapalong IPMR Bae Gemma Rarangol. City Administrator Pedrito Misoles ug mga department heads nga sila City Budget Office Joven Sepe, City Accountant Mylene Hermosora, City Civil Registrar Evelyn Somozo, CSWD Officer Chariena Joy Lacquin, CPDO Officer Engr. Felix Jonases Senajon, ug Admin Internal Auditor Joanna Silagan.

|IDOB
📸 E. Pan