“Niaging December 2 and 4, naay gipahitabo nga Aggressive Community Testing o ACT sa ARF Gym, Barangay New Pandan. Usa kini ka programa sa Department of Health usa sa pinili nilang hatagan og RT PCR testing ang Panabo City sa Davao Del Norte.

Tumong ani kay aron maidentify dayon kinsay positive and sayo sila maisolate aron mapugngan ang pagkalat sa COVID-19 virus sa atong siyudad. Sa 1,008 na naswab gamit ang RT PCR Test, naay 117 nga nagpositive. Expected namo na motaas ang kaso sa atong siyudad tungod niini kay among giapil sa test tanan close contacts sa positive patients ug uban pa na identified na naa sa high risk groups and areas. Sila nagpuyo sa lain-laing barangay.

Sa karon, gipangcontact trace na ni sila tanan, naisolate, ug among ginamonitor kung magkasintomas. Salamat sa tanan nagpartisipar sa aning activity ug padayon unta ang mga tao na mosunod sa protocols na giset na DOH ug sa atong siyudad. Dili namo ni kaya kung kami lang sa City Health ug LGU Panabo ang molihok. Kailangan namo ang cooperation sa tanan panaboans. Salamat sa tanan.”