Tungod sa Market Linkage program sa City Agriculture Office, nahimong possible ang pag-abli sa bag-ong palengke sa Barangay New Malitbog nga gilangkuban sa mga myembro sa New Malitbog Farmers Organization kung diin sila mo baligya sa ilang kaugalingong ani nga preskong gulay.

Atol sa pag abri sa bag-ong palengke, mihatag og pinansyal nga tabang pang kapital si Mayor Jose E. Relampagos nga mo kabat og P150,000.00 aron masusteno ang operasyon sa palengke alang sa mga maninida ug mga konsomante.

Dako kining tabang sa Barangay og lakip na ang mga sikbit na Barangay tungod kay makapalit na sila og barato ug preskong gulay nga dool lang sa ilang mga puluy-anan.

Matod pa ni Rolando Tuazon, Acting Assistant City Agriculturist, kini nga programa mosuporta sa mga local farmers aron sila mo kita sa ilang mga pananom nga gulay.

Anaa sab sa pag abli sila Dr. Melinda Rubillano, Sr. Agriculturist nga representanti ni Director Ricardo Oñate Jr, DA Regional Executive Director ug Jose Andamon, Provincial Agriculturist sa Davao del Norte.

MCG – CIO
📸 – Michelle Amante