Subay sa Proclamation No. 60 gisaulog sa siyudad sa Panabo ang selebrasyon sa Huwarang Pamilya Celebration of Families and Urbanization nga adunay temang “Urbanisasyon at Pamilyang Pilipino: Magkaagapay sa Pagpapatibay at Pagpapaunlad ng Bansa” nga gipahitabo sa Panabo City Gym adtong Septiyembre 28,2022.

Duyog sa maong selebrasyon ang kapin 100 ka mga partisipante ang mitambong nga kabahin sa 4Ps ug mga parent leaders sa matag barangay sa siyudad sa Panabo.

Sa maong higayon, gigawaran ang pamilya ni Mr. and Mrs. Lucio Libranza Jr nga taga Barangay Malitbog isip Huwarang Pamilya 2022 sa Panabo City. Sa pagpaningkamot sa mga ginikanan nga makahuman sa kolehiyo ang tulo nilang anak bisan pa man sa kalisod sa kinabuhi ang usa nahimong maayong panig-ingnan na mapili silang huwarang pamilya.

Ang pamilya nakadawat og P10,000.00 cash prize. Sumala pa ni Lucio, “Sa pagkatinuod, pubre jud ko, pero nakapahuman ko sa akong anak nga tulo ka anak nako nakahuman jud og eskwela tanan sa kolehiyo”. Dugang pa niya, “Maningkamot ka sa imong anak ikaw nga ginikanan nga matuman jud ang imong pangandoy sa kinabuhi.”

Anaa usab sa kalihokan, sila Vice Mayor Gregorio Duhali III, City Councilor/ Committee on Social Services Hon. Ian Rolet Catalan, Provincial Link Blaissel Hane L. Fernandez ug mga benepisyaryo sa Pantawid Pamilya Program sa siyudad.

Gipahigayon ang selebrasyon pinaagi sa City Social Welfare and Development Office (CSWDO) ug pakig-alayon sa Department of Social Welfare and Development (DSWD).

|IDOB
📸 Q. Villahermosa, CIO-Multimedia