Enero 27, 2024- Human sa duha ka adlaw nga gipahigayong Strategic Planning Workshop sugod niadtong Enero 26, 2024 sa PCGEMPC Function Hall, Panabo City, namugna na sa City Cooperative Development Council (CCDC) ang 3-Year Strategic Plan lakip na ang Vision, Mission ug Goals niini.
Kapin 30 ka mga miyembro sa konseho ang misalmot alang tumanon kini nga kalihokan aron maduso na ang pag-aproba ug pagpatuman niini.
Dinapit nga tigpamaba si Mr. Sofronio V. Talisic, Chairperson sa Provincial Cooperative Union (PCU) sa Davao del Norte, nga maoy migiya sa mga partisipante nga mamugna og insakto ang haum nga mga plano alang sa kalumbuan sa sektor sa kooperatiba sa siyudad sa Panabo.
Ang Strategic Planning sa CCDC gipaluyuhan sa Lokal nga Panggamhanan sa Panabo ilawom sa opisina sa City Mayor’s Office- City Cooperative Development Section.
Anaa sa kalihokan si CCRO Department Head Libertad Villegas-Regis nga maoy Pangulo sa CCDC ug PCGEMPC, Senior Cooperative Development Specialist Elvie Marie Caro-Sollorano ug ang tibook miyembro sa CCDC Panabo.
#ServiceToPanaboansServiceToGod
| JET
Categorized in Featured