Kalingaw. Kasadya. Kahayag.

Wala nagpaulahi ang Panabo City sa pagselebrar sa tinuig nga Paskohan sa Panabo kada bulan sa Disyembre.

Ang kasaulogan gisugdan sa Misa na gipangulohan ni Rev. Fr. Allan Alindajao isip pasalamat ug ampo sa hapsay na selebrasyon.

Simultaneous ang maong kalihokan diin sabay kini nga gipahitabo sa City Hall Grounds ug Panabo Parks and Plaza. Gi-lingaw ang mga manan-away sa Fire dance ug Rizal Choir Performance bago ang highlights na ceremonial Wine toasting, Lighting Ceremony ug Fireworks Display.

Nagpahimangno usab si City Mayor Jose E. Relampagos sa katawhan na dili angay na magpabilin sa kung unsa man ang kahimtang karon ug ipalambo ang kaugalingon. “Taas pa og panahon, ang kinabuhi mura og cycle. Maningkamot ta sa kinabuhi aron magmalampuson sa kapit-os,” dugang pa niya.

Aduna usab free concert na hatod sa mga Talentadong Panaboans ug live band na Impulse band, Dimes and Grind Band, ug mga local bands. Gibida usab ang mga lami na pagkaon na makita sa food park sa duha (2) ka lokasyon.

Nakigduyog sa selebrasyon si Executive Secretary Josie Mary Relampagos, Executive Assistant Jo-Anne Relampagos-Capuyan, City Vice Mayor Gregorio Dujali, first lady Josephine G. Relampagos, city department ug assistant heads, section heads, mga konsehal, barangay captains and kagawad, council of women, pribadong sektor, uniformed personnel, ug mga empleyado sa city hall.

l M. Lagura
Photos: F. Paculanang, R. Cayas, Q. Villahermosa, E. Pan