Kalipay nga gidawat ni City Mayor Jose E.Relampagos, pinaagi kay City Administrator Pedrito A.Misoles ug PESO Manager Cherelle B.Espinosa, ang Plaque of Recognition nga gikan sa Department of Labor and Employment XI Regional Director Ofelia B.Domingo, CESO III sa adlawng Disyembre 9,2020 sa Tagum City. Nagapamatood kini nga ang City Government of Panabo usa sa pinakamaayong LGU nga naga-implementa sa Special Program for the Employment of Students o SPES.

Wala sad daw damha ni Espinosa nga makadawat siya og award tungod sa pina surpresa lang kini napahibalo kanila sa DOLE Labor Relations Division mi agi lang nga adlaw. “Wala gyud kabalo tanan mga PESO ana na award kay first pa sila naghatag. Wala sad mi gisultian nga magrecognize sila,” ingon pa niya.

Sa pangutana nganong napili sila, tubag ni Espinosa nga “We are utilizing the ICT by using their portal para sa online application and submission of documents sa SPES.”

Ang SPES usa ka programa sa DOLE nga na gahatag og trabaho sa mga “poor but deserving students” alang sa ilang pageskwela.

Bisan man og adunay pandemya, ang PESO nagapadayon gihapon sa paghatag og serbisyong makatabang sa mga aplikante nga nangita og trabaho.

| cio
📸 Glory Grace Trinidad, PESO