Mayo 25,2021 — Gipahigayon sa Lokal nga Panggamhanan sa Panabo City, pinaagi sa City Health Office, ang AIDS Candle Light Memorial 2021 nga adunay temang “We Remember, We Take Action, We Live Beyond HIV” sa Barangay Gredu Covered Court. Ang kalihokan ginapahigayon kada bulan sa Mayo alang sa pag-hinumdom sa mga taong namatay tungod sa HIV/AIDS. Usa pud kining lakang sa pagkutlo og unsaon ang paglikay sa maong sakit.

Matod pa ni Case Manager of Global Fund HIV Awareness Advocate, Paulito Geraldo na importante ang maging responsable ang usa ka indibidwal sa iyang pakighilawas aron makalikay sa sakit ug dili usab maka-takod sa ubang tao. “Alang sa mga reactive, please do not be afraid to ask for help. Abri atong mga health offices to render free medications.” Dungag pa niya.

Gawas sa orientation, anaa usab mga intermission numbers ang gipakita sa mga lain-laing grupo sa mga kabatan-onan kauban ang performance sa LGBTQ+ community.

Adunay HIV Testing usab nga gipahitabo alang sa mga mitambong na gusto makahibalo sa ilang status, ingon man naghatag pud og condoms ang CHO isip proteksyon sa sakit.

Nitambong sa maong programa sila Acting City health Officer Dr. Eranie Pangilinan, Banwag Coordinator Allan C. Sarabia, mga SK Chairpersons, ug ang mga miyembro sa LGBTQ community sa siyudad.

Pinaagi sa pagkanta sa “Heal the World” isip community song, gitapos ang maong programa.

| Sonny L. Calizar, CIO – PIRO
📸 | Francis Paculanang