Kinaunhan sa rehiyon sa Davao ang Panabo City sa pagpahigayon og Press Freedom Celebration human napirmahan ni kanhing Presidente Rodrigo R. Duterte adtong Abril 13, 2022 ang balaod nga Republic Act 11699 o Declaring the 30th Day of August as National Press Freedom Day.

Sumala pa ni Philippine Information Agency XI – DavNor Information Officer Jeanevive Abanga sa Kapihan sa DavNor program sa PTV DavNor 48, “We would like to congratulate the City Information Office of Panabo. Sa tanang LGUs in Davao Region, ang Panabo City ang nagmarka sa Press Freedom Day.” Iyaha usab gipasidunggan ang siyudad sa pagmugna og mga kalihokan alang sa mga kabataan aron nga mahanas sila sa pagsulat ug sa brodkast.

Nagsugod ang Press Freedom Celebration sa siyudad adtong Agosto 24, 2022 sa Gaisano Grand Mall of Panabo dungan sa pag-abri sa 3-day nga LAMDAG Exhibit of Government Services. Gisundan kini og Quiz Bee, On-the-Spot Photo Contest, News Story Writing Competition, Vlogging Competition, ug News Broadcasting Competition.

Sa adlaw sa National Press Freedom Day adtong Agosto 30, nagpahitabo og Motorcade ug pag-award og pasalamat sa mga media partners sa LGU. Anaa sa kalihokan si Executive Secretary Josie Mary G. Relampagos, Vice Mayor Gregorio U. Dujali, III, ang SP Chairperson of the Committee on Media and Information City Councilor Ian Rolet Catalan, ug ang mga miyembro sa 9th City Council.

Anaa sa kalihokan ang mga lokal ug regional media, mga pribado ug publikong organisasyon, mga representante sa mga eskwelahan ug kolehiyo.

Ang #PressFreedomCelebration gipangunahan sa City Information Office.

| CIO