Laoman nga taodan og street lights ang Panabo Flyover aron dili kini mahimong hinungdan sa disgrasya sa mga motorista inig gabii. Gibutyag kini ni DPWH XI Regional Director Engr Allan Borromeo sa Inauguration Program sa Panabo Flyover adtong Hulyo 16,2020.
Ingon niya, “We will assure you that we (are planning) to have lighting facilities that will be installed later and we will do our best to accommodate through the effort of the Road Board. We will be using to have this bridge a solar type lighting facilities. (Akong ipasalig kaninyo nga aduna tay lighting facilities na mabutang di madugay pinaagi sa pagpaningkamot sa Road Board. Ang gamiton ani nga tulay kay solar type lighting facilities.)”
Matod usab ni Governor Hon. Edwin I. Jubahib. “Kinahanglan jud adunay suga ang Panabo Flyover para makaguide sa gabii sa pagbiyahe.” Gidugang sad ni Governor nga mahimong luwas ang tulay sa unsa mang disgrasya sa dalan. “Kung wala ni suga basi masaag ang mga commuters ug basi madisgrasya pa.”
Paningkamotan usab sa lokal nga panggamhanan nga mapadali ang pagtaod sa street light para makatabang sa mga mobiyahe nga motorista sa kagabhion.
| Mel Hilario CIO-PIRO
