Hunyo 18,2021 — Padayon gihapon sa pag-inspeksyon ang Lokal nga Panggamhanan sa Panabo pinaagi sa IATF Inspection Team sa mga establishimento sama sa Panabo Public Premiumed Market, 3’F Marketing, ug uban pa aron makita ang pag-implementa sa Executive Order No. 26 o ang pagpailawom sa probinsiya sa General Community Quarantine hangtod Hunyo 30,2021. Gipahinumdom sa mga personahe sa TMU ang mga tag-iya ug mga customer sa mga establishemento ang “No Facemask, No Face Shield, No Transaction Policy” ug ang paggamit og QR code aron mapugngan ang pagtakod sa 2019 Coronavirus Disease.

Gawas niini, ginapahibalon usab ang mga pedicab ug mga motor driver nga magtaod og barrier sa ilang sakyanan isip paglikay sa physical contact sa mga pasahero.

Sumala pa ni TMU Team Leader Alvin Ybañez nga padayon gihapon ang ilang pagpahibalo sa minimum health standards alang sa mga katawhan. Dugang niya, “Dapat gyud nato tumanon ang physical distancing, pagsuot og face mask ug face shield ilabi na kung anaa ta sa mga pampublikong lugar.”

Gipangusgan usab sa mga personahe sa Traffic Management Unit (TMU) kauban Business Permit and Licensing Section ang pag inspeksyon sa mga establishemento kada adlaw.

| Sonny L. Calizar, CIO – PIRO
📸 | Aljun A. Castilla