Usa si Nathaniel P. Gamol sa nanimpalad nga panaboan sa Luzon aron makapangita og tarong nga trabaho. Apan sukad sa pagkuyanap sa COVID-19 ug pagpahitabo sa lockdown sa iyang lugar, siya naka hunahuna nga mo uli sa iyang probinsiya sa Davao Del Norte. Kauban ang iyang asawa, sila nag apply sa Balik Probinsya, Bagong Pag-asa Program o BP2 nga naduso ni Senador Bong Go. Sulod sa tulo (3) ka bulan nga paghulat, wala damha sa magtiayon nga sila matawagan aron tabangan.

Tumong sa maong programa nga matabangan ang mga katawhan nga maka balik sa ilang nagkadaiyang probinsya aron maka sugod sa ilang panginabuhian. Pinaagi sa nagkadaiyang ahensya sa gobyerno, natabangan si Nataniel Gamol sa pag uli gikan sa luzon hantod ma plastar sila sa Barangay San Nicolas. Ang tabang kaniya migikan sa DSWD, PSWDO, CSWDO, PESO, DOLE, TESDA, CAGRO, ug National Housing Authority (NHA).

Matod pa ni Gamol, “Nagpasalamat ko kay Presidente Duterte, Kay Senador Bong Go, Kay Kuya Gob Jubahib, Kay Mayor Joe, ug sa tanang ahensya nga misuporta sa programa.”

Usa sa mga nahimo niya sa assistance mao ang pagtukod og sari-sari store, pagpalit og refrigerator para sa iyang mga pamaligya, bugas nga ibaligya, ug pagtamon og mga gulay aron ma sustina ang pang adlaw-adlaw nga panginahanglanon sa iyang tibouk pamilya.

Laoman nga aduna pay Batch 2 sa Balik Probinsya, Bagong Pag-asa Program.

| Gene Alforque – CIO
📸 | A. Castilla