Gideklara nga mananaog ang mga representante sa LGU Panabo nga sila Leoncio Alampayan III ug si Joan Cabatingan para Mr. & Ms. SPES DavNor 2022 nga usa ka kompetisyon sa gipahigayong Grand SPES Day 2022 sa DavNor Sports and Tourism Complex, Mankilam Tagum City karong adlawa, Agosto 3, 2022.

Gawas sa pagdaog sa titulo nga Mr. SPES DavNor 2022, nakuha usab ni Mr. Alampayan ang mga Minor Awards sama sa Best in Creative Jeans Attire, Best in Trashion (Trash to Fashion) Attire, Best in Career Attire ug Most Eloquent.

Nakuha sab ni Ms. Cabatingan ang titulo nga Ms. SPES DavNor 2022 lakip na ang pagdaog sa mga Special ug Minor Awards sama sa Best Performer, People’s Choice Award, Best in Creative Jeans Attire, Best in Trashion (Trash to Fashion) Attire, Best in Career Attire ug Most Eloquent.

Kadaugan usab ang nakab-ot sa mga representante para sa SPES Musical Show diin kini gideklara usab nga kampeon sa maong kompetisyon.

Ang maong kalihokan giduyogan sa mga PESO ug SPES grantees sa tanang LGU nga sakop sa probinsya sa Davao del Norte. Anaa sa kalihokan si PESO Panabo Manager Ms. Cherelle B. Espinosa nga mapasalamaton sa maong kadaugan.

#PESOPanabo #BastaPanaboPanalo