Abril 22, 2022 — Adunay ipanghatag nga fuel assistance sa mga apektado ug kwalipikadong tricycle drivers sa tibook nasod subay sa gipagawas nga Memorandum Circular No. 2022-047 sa Department of the Interior and Local Government (DILG) tungod sa padayon nga panagbangi sa nasod nga Russia ug Ukraine. Ang Fuel Subsidy Program o Pantawid Pasada Program ilawom sa national government ug napundohan na pinaagi sa Republic Act No. 11639 o General Appropriations Act 2022.

Sa guidelines sa DILG Memorandum Circular, adunay ipasa nga listahan sa mga tricycle drivers ug franchisees ang LGU nga kinuha sa lokal nga Franschising Board ug sa Tricycle Operatos and Drivers Association. Ang ANNEX A o ang Masterlist of Beneficiaries for Fuel Cash Subsidy to Tricycle Drivers nanginahanglan sa

✅ Pangalan sa Operator
✅ Pangalan sa Driver
✅ Franchise details (Number, Date Granted, Date of Expiration)
✅ Registration Details to TODA (Date of Registration, Date of Expiration if any)
✅ Plate Number sa Tricycle Unit
✅ Address sa Driver
✅ Contact Number sa Driver
✅ E-Wallet Account Details (Specific E-Wallet, Account Number)

Ipasa dayon ang Annex A sa DILG Regional Office aron mahimo nilang basehan sa computation ug distribution sa fuel subsidy alang sa mga tricycle drivers. Gikinahanglan nga ang gastoson ang assistance sa fuel purchases o payments.

Ang gihatagan og responsibilidad sa DILG sa maong pay-out mao ang Department of Transportation-Land Transportation Franchising and Regulatory Board (DOTr-LTFRB) pinaagi sa e-wallet account nga nakapangalan sa mga benepisyaryo.

Aron masunod kini, magpatawag og urgent meeting ang LGU Panabo kauban ang Presidente sa TODA para sa han-ay nga proseso sa paghatag sa mga pangalan.

| CIO Panabo

Click link para sa Memorandum Circular: https://bit.ly/3jYo71A 👆🏻