Disyembre 12, 2022 – Gipahigayon ang Parent Leaders Day Celebration 2022 sa siyudad sa Panabo diin adunay 186 ka mga parent leaders ang mitambong aron nga madungagan ang ilang kaalam apil na nga malingaw sa mga aktibidades nga gi-andam sa Department of Social Welfare and Development (DSWD) kauban ang Lokal nga Panggamhanan sa Panabo nga gipahitabo sa Barangay New Visayas, Covered Court.
Ginapahigayon kini aron makatabang sa paghulma sa direksyon sa mga ginikanan sa ilang mga pamilya ug komunidad. Ang paghatag gahum sa mga ginikanan nga mahimong mga lider sa ilang mga komunidad mao ang usa sa labing maayo nga mga butang nga mahimo aron masiguro nga ang mga bata motubo nga mahimong mapaningkamuton sa kaugalingon, makapadayon sa kaugalingon nga kaayohan nga makatampo usab sa katilingban.
Dili lamang programa ang gipahitabo niini, aduna usab nagkadaiyang mga aktibidades nga malingaw ang mga ginikanan sa pagtambong, mga padula ug paprempyo.
Sa maong kalihokan, Anaa si Vice Mayor Gregorio “Banjong” Dujali III, mga konsehales nga sila Atty. Devona Jumamil, Hon. Dizon Namuag, ug Hon. Sherlou Bangoy.
