Isip chairman sa City Peace and Order Council (CPOC) gipatawag ni City Mayor Jose E. Relampagos ang mga miyembo niini lakip na ang mga kapitan sa 40 ka barangay kauban ilang mga committee chairman sa peace and order aron hisgutan ang pagpangusog sa kalinaw ug kahapsay sa siyudad sa Panabo.
Pahinumdom ni Mayor Relampagos nga kinahanglan magtinabangay gikan sa kabarangayan aron mahatagan og kasulbaran ang mga problema sama sa illegal nga droga, illegal gambling, mga istokoy na kabatan-onan, mga basura sa palibot, ug mga menor de edad nga naga bahis-bahis matag gabii.
Gani, mando usab ni Mayor Relampagos nga pangusgan sa matag barangay ug mga kapulisan ang pag-implementa sa curfew hours sa mga menor de edad nga mag sugod sa alas diyes sa gabii.
Diin paman, hangyo usab ni Mayor Relampagos nga motambong ang matag kapitan kung adunay kalihokan sama niini, aron mahisgutan ang mga problema ug kinahanglanon nga masulbad sa tagsa-tagsang barangay.
Sa panagpulong, anaa ang presensiya nila City Local Government Operations Officer (CLGOO) VII Yolanda Balana, City Councilor Omar Ranain, ABC President Hon. Conrad Theodore A. Matutino, City IPMR Bae Merlinda Aranar, 27th IB BN Executive Officer MAJ Lhugan Cliff V. Acuri (INF), 1LT Adolph Reliezer G. Buendia (INF), SFO2 Ramil Rivera sa Bureau of Fire Protection, CENRO Assistant Department Head Engr. Oliver Q. Oriol ug mga personahe sa DILG.
Ang special meeting gipahigayon adtong Hunyo 28, 2024, didto ABC Hall, Function Hall.
#ServicetoPanaboansServicetoGod
Categorized in Featured