Pipila na ka pedicab drivers ang na isyuhan og citation tickets karong adlawa, July 20,2020, tungod mi-agi sila sa dalan sa Panabo Flyover. Sila makabayad og penalty nga mo kantidad og P2,500.00 tungod sa P500.00 nga paglabag o disobedience to traffic sign, P500.00 sa paggamit sa Fast Lane o ang pag-agi sa Flyover, ug P1,500.00 alang sa Reckless Driving. Atol kini sa City Ordinance 31-17 o ang Revised Traffic Code of Panabo City.

Ang mga pedicab drivers mi agi na og seminar ug orientation bahin sa balaod pantrapiko sa lokal. Apan, pipila kanila ang wala gihapon mituman sa Section 7 Driving Rules. Ingon pa ni Traffic Unit-In Charge Alvin Ybanez, “Nasayod na ang mga pedicab drivers sa balaod. Kapila na sila naingnan nga ang slow moving vehicles dapat sa outermost lane of the highways and city roads para deretso og agi ang fast moving vehicles.” Ang penalty niini kay P500.00.

Alang sa reckless driving, ingon ni Ybanez nga nagapakusog og dagan ang mga pedicab sa Flyover tungod sa 4-wheel vehicles nga nagasunod niya. “Naka create siya og delay sa mga 4-wheel vehicles.”

Ang mga heavy vehicles gidirekta sad sa Traffic Management Unit nga dili gamiton ang Flyover tungod 20 Tons lang ang capacity niini. Ang maglabag nga Heavy Trucks makabayad og penalty tungod sa paglabag o disobedience to Traffic Sign, Reckless Driving, ug Overloading of Cargo nga mokantidad og P500.00. Sa katibok-an, makabayad ang heavy truck drivers og P2,500.00.

Alang sa mga reports o reklamo, etext ang TMU sa (084) 823-3029 o e message sila sa Panabo City Traffic Management Unit Page. Pwede sad sila mabisitahan mismo sa ilang opisina sa 1st Floor, Panabo City Gym.

| cio