December 21, 2022 — Nahisgutan ang General Labor Standards ug Labor Laws atol sa gipahigayong Industry & Employers Forum sa Victorillos Kitchen, Purok Sili Barangay Gredu, Panabo City kung diin nahisgutan ang mga computation sa holidays ug overtime, forms of payment, time of payment, ug uban pang benepisyo na makuha sa mga empleyado nga angayan bantayan sa mga employers nga sila mahatagan og giya sa tanang angay na benepisyo nga mahatag sa ilang mga trabahante.

Matod pa ni DOLE XI Labor and Employment Officer III, usa sa mga mamumulong nga ginadili ang pagkuha sa mga asawa sa sweldo sa ilang bana kay dili sila mao ang trabahante sa maong kompanya, ug aduna nay kaso nga nag file og case batok sa maong employer tungod sa ilang paghatag sa maong sweldo sa dili authorized person to withdraw.

Gihatod usab ni DOLE XI TSSD Employment Staff Kimberly D. Tesoro, ang pagpahibalo mahitungod sa pag register sa PhilJobNet Registration kung diin libre na maka post ang tanang employer kabahin sa pagpangita og manpower services.

Gisaysay usab ni DOLE Province Sr. Labor and Employment Officer Jennylyn M. Rosalinda, mahitungod sa mga bag-ong teknolohiya ug makinarya o ang artificial technologies kung diin ang mga makinarya mao nay mo- andam sa mga trabahuon ug mas mapadali ang mga buluhaton nga pabor sa employer tungod kay mas mugamay ang manpower sama sa mga robotics kargador ug uban pang makinaryas na dili na gamitan og manpower services.

Anaa sa maong panagpulong sila PESO Manager/CTEC Cherelle B. Espinosa, Labor & Employment Officer I Keir Jay S. Balingan ug si City Administrator Pedrito A. Misoles isip representante ni City Mayor Jose E. Relampagos.

|Dalia Amag, CIO-PIRU
Photos| Rommel Cayas, CIO-Multimedia