Ni-abot na sa Hanoi, Vietnam adtong Mayo 13,2022 si Outstanding Panaboan 2022 awardee Marjone Piañar, 23 anyos, para mokombate sa Welterweight Boxing Category sa ika-31 nga SEA Games. Usa si Piañar sa napulo (10) ka mga boxer gikan sa Pilipinas nga mosabak sa maong dula.

Ugma, Mayo 16, magsugod ang ilang dula sa boxing hantod Mayo 22. “Support niyo po ako. Kasama ang buong team Philippines. Include us in your prayer po,” hangyo ni Piañar sa katawhan sa Panabo.

Kabahin sa ilang pagpangandam sa dula, gipahitabo ilang duha (2) ka bulan nga pagbansay sa Thailand. “Gikan mi og Thailand diretso diria sa Vietnam na. Didtoa mi nag training para ani na SEA Games.”

Ikaduha na kining dula sa SEA Games ni Marjone Piañar kung asa nasungkit niya ang Silver Medal adtong 2019.

Si Piañar usa ka residente sa Barangay San Fransisco, Panabo City.

| CIO Panabo

Photos by Marjone Piañar
#SEAGames2022
#TeamPhilippines
#PanaboCity
#Boxing