Pinaagi sa Provincial Community Affairs Development Unit, gisaulog sa PNP Panabo ang Police Community Relations Month pinaagi sa pagpalambo sa ilang relasyon sa katawhan sama sa paghatod og pagpahibalo sa mga balaod ug kalihokan sa mga kapulisan sa komunidad.

Nagtabang pud ang kapulisan sa Panabo sa Salvacion Elementary School sa ilang Basakleta Project. Ilang gihatod ang lecture sa mga kabataan pinaagi sa pag sakay sa mga kapulisan og bisikleta ug tudloan og pagbasa og “moral lessons” ang mga estudyante kauban ang mga maestra. Apil niini ang lecture sa mga balaod sama sa Anti-Bastos Law o RA 11313. Gi tudloan usab ang mga kabataan sa mga pamaagi sa pag likay sa COVID-19.

Matod pa ni PSMS Randy E.Sta.Maria sa PCADU-PNCO nga padayon ang paglibot sa PCR sa mga kabarangayan. Ingon pa niya, “Because naka build na ang kapulisan og relationship sa mga katawhan pinaagi sa amoang engagement, mas madali nalang ang pag-edukar sa mga balaod alang kanila.”

Ubay-ubay usab ang mga kalihokan nga gi andam sa PNP alang sa selebrasyon sa Police Community Relations Month ug gi siguro nila nga sundon ang minimum public health standards batok COVID19.

Gen Alforque – ✍️/📸