Septyembre 8,2021 — Giturn-over na sa Lokal nga Panggamhanan ang Phase 2 sa Panabo Park Development Project ilawom sa P16.6 Million nga pundo gikan sa Green Green Green Program sa Department of Budget and Management (DBM). Si City Mayor Jose E.Relampagos ang nanguna sa ribbon cutting ceremony sa mga lugar sa Parks and Plaza sama sa bag-ong children’s playground, Volleyball Court, ug Chess Center.

Ingon pa ni Mayor Relampagos nga iyang protektahan ug ipadayon ang kahinloan sa lugar lakip na ang mga bulak ug tanom niini. Paningkamotan pa niya nga mapalambo ang mga bulak ug tanom sulod sa park aron nga mapasigarbo ang Green Infrastructure sa tibook nasod. Dungag pa niya nga magpadugang siya og pundo alang sa pagpanindot sa mga koral sa park.

Ang Green Green Green Program usa ka assistance gikan sa DBM isip usa ka parte sa Build Build Build Program ni Presidente Rodrigo R.Duterte. Gatabang ang programa sa 145 ka mga siyudad sa nasod alang sa paghimo og mga forest parks, botanical gardens, ug ang pagpahigayon og mga kalihokan sama sa landscaping ug tree planting.

Anaa sa Blessing and Inauguration si City Councilor Hon. Emeterio Blase ug ang mga city government department heads.

| city information office