Oktobre 02, 2022 — Madasigon nga gi- selebrar ang Provincial Cooperative Month Opening Salvo subay sa temang, “Kooperatiba Kabahin sa Kabag-ohan para sa katawhan, Kinaiyahan ug Kalinaw” sa Panabo Gym. Gisalmotan ang kalihokan sa mga nagkadaiyang Kooperatiba sa Probinsya sa Davao del Norte.

Gipasiugdahan sa Lokal nga Panggamhanan sa siyudad sa Panabo ang Cooperative Month, pinaagi sa City Cooperative Development Council (CCBC ) Panabo, kauban ang suporta ni City Mayor Jose E. Relampagos.

Kini nga programa alang sa tanang mga miyembro sa mga kooperatiba nga mahatagan og kanunayong pagdasig nga mamintinar ug mas mapalambo aron daghan og matabangan labi ilang mga panginahanglan.

Dakong tabang kini kay daghang benepisyo nga makuha sama sa dividend sharing, Patronage refund, Mortuary assistant help, ug Loans nga ubos ang interest.

Nagpaabot og mensahe si Vice Mayor Gregorio Dujali III, “Malipayon ang atong Mayor sa pag host sa Provincial Development Council ug gusto niya ipadangat sa inyo na ipadayon ang nasugdang kooperatiba.”

Anaa usab sa programa sila SP Member/Chaiperson Committee on Coops konsehal Dizon P. Namuag Chairperson, CCDC City Chairperson Libertad V. Regis, MPA, Board Member Emmanuel G. Pamisaran nga Chairperson sa Committee on Cooperatives, CDA XI Regional Director Ruben L. Cunanan, MPA, DDM, PCDC Secretary CDS Annabelle J. Bañaga, Governor Edwin I. Jubahib nga gi-representahan ni Wowee de Ramos, Congressman District II Allan R. Dujali nga gi-representahan ni Kenny Allan Benigno, Congressman District I Pantaleon D. Alvarez nga gi-representahan ni Andre Perez, Provincial Administrator Engineer Josie Jean R. Rabanoz,EnP,MPA nga gi-representahan ni Engineer Humber D. Cabunoc, ug mga partisipante nga miyembro sa kooperatiba.

✍️Dolly Amag, CIO-PIRU
📷Rommel Cayas, CIO-Multimedia