Sa maka usab nakatagamtam na pud ang mga lumulupyo sa Barangay Waterfall sa Serbisyong Barangay hatod sa opisina ni Mayor Jose E. Relampagos diin dala sa maong programa ang libreng check up ug tambal, libreng check up sa mata ug eye glasses, libreng dental services, ug serbisyong beterinaryo, kini ang ika upat nga pag bisita sa maong Barangay.

Sumala pa ni Rian Marcos Serbisyong Barangay focal person nga mapadayunon ang pag libot sa programa sa tanang 40 ka Barangay sa siyudad kay nakita ni Mayor Relampagos nga daghan gyud ang mipahimulos sa kada Barangay na bisitahon niini, ingon pa niya”. Ubay- ubay gyud ang mga katawhan nga maka avail sa programa, mao nang padayon me sa paghatag sa libreng serbisyo kay mao kini ang mandato ni Mayor Joe.”

Nagpasalamat usab si Kapitan Rico Canones, mahitungod makatagamtam na usab sa libre nga serbisyo ang iyang mga sakop ug dili na maka gawas pag kwarta sa mga bulsa sa residenti. “Nindot nga programa, libre sya dili na kinahanglan pa na mo lugsong ang mga katawhan sa Barangay Waterfall aron magpacheck up sa centro, dako kaayo ning katabang nga gihatag ni Mayor Relampagos”, dungag pa ni Hon. Canones.

Bisitahon na usab sa programa ang Barangay Kasilak adlawng Huwebes, September15, 2022.

🖋️: Genevieve Rose Alforque – PIRO Unit / CIO-Panabo
📸: Aljun Castilla CIO – Multimedia Unit / CIO-Panabo