Ang National Competitiveness Council ga ila sa Panabo nga usa sa mga malamboon na syudad sa tibook Pilipinas. Gikan 2016, taas ang na ambakan na ranggo ang Panabo City sa Cities and Municipalities Competitiveness Index (CMCI)
Karong 2019, malaomon ang mga katawhan nga padayon ang paglambo sa siyudad sa Panabo ug mas mutigbabaw pa ang pangalan sa lungsod sa mga national recognitions. Adtong Abril 2019 lang nagpadala ug mga dokumento ang LGU Panabo, kauban ang ubang National na ahensya sa lungsod, sa Department of Trade and Industry sa Manila.
Usa ka dakong garbo sa syudad sa Panabo kaniadtong tuig dos-mil disi siyete (2017) sa dihang nasungkit niini ang ika-36 na puwesto gawas sa 112 ka component cities sa gipahitabong National Cities and Municipalities Competitiveness Index 2017 gikan sa ika-68 sa 2016.
Apan mas napalambo pa kini sa pagkab-ot sa siyudad sa Panabo sa ika-31 na puwesto sa 2018 sa tibuok Pilipinas.
Ang CMCI o Cities and Municipalities Competitiveness Index usa ka competitiveness ranking framework sa mga lungsod ug munisipalidad sa nasod nga nagasubay sa upat ka key indicator areas nga mao ang:
1. Economic Dynamism
2. Government Efficiency
3. Infrastructure
4. Resiliency.
Dugang pa, ang Panabo mao ang giilang 8th Most Improved City in Infrastructure ug 18th Most Improved in terms of Resiliency sa Component City category sa maong index.
Matod pa ni DTI Secretary Ramon M. Lopez, nga kadaghanan sa mga dayuhang investors nagabase sa CMCI results alang sa ilahang pag-desisyon kung asa itukod ang ilahang establisiyemento ug kung asa nila iinvest ang ilahang kwarta.