Gisugdan na sa Roxas Elementary School adtong Hunyo 8,2020 ang Reading Program ug ang paghatag og reading kits alang sa mga Indigenous Peoples or IP nga mga estudyante nga namuyo sa Barangay Lower Panaga, Panabo City.

Ang pagpahigayon og Reading Program usa ka pamaagi nga matagaan og saktong kaalam ang mga estudyante sa pagbasa.

Matod pa ni Principal I Anbella Gamutin-Eleria, one-fourth (1/4) lang sa lumulupyo sa ilang barangay ang numero sa mga IP. Kalipay niya nga uban niini nag-eskwela sa ilang tulunghaan ug dakong tabang ilang pagpanghatag og reading kits para sila pursigido na mo basa.

“Alang sa Learning Continuity Plan, modular ang gipili sa mga ginikanan mahitungod walay saktong internet connection kung pilion nila ang online na klase,” dugang ni Eleria. Tumong usab niining programaha para ma “Stay at Home” o magpuyo lang ang mga bata sa ilang mga tagsa-tagsang balay.

Nagtaod usab sila og mga built-in handwash alang sa mga magtutudlo ug ginikanan na mo adto sa ilang tulunghaan. Pinaagi niining pagpanghugas sa kamot, pwedeng mapugngan ang pagkuyanap sa sakit sa COVID-19 sa ilahang komyunidad.

|M.Hilario/CIO-PIRO