Gisugdan na ang registration sa Free Medical Check-up ug tambal hatod ni City Mayor Jose E.Relampagos alang sa mga Public Utility Driver adtong Hulyo 8,2021 pinaagi sa iyang pakig-alayon sa City Health Office. Adunay 35 ka mga tricycle drivers ang naka benepisyo sa unang adlaw sa programa.
Hinaot ni Mayor Relampagos nga mamonitor ang panglawas sa mga katawhan sa Panabo ilabi na sa mga PUV drivers diin isa sila sa mga gina ilang essential nga mga trabahante.
“Sugdan sa nato sa mga (tricycle) drivers sa siyudad sa Panabo aron adunay magmonitor sa ilang panlawas,” ingon pa ni Executive Assistant ni Mayor nga si Jo-Anne R.Capuyan. “Gina-awhag nako tanan nga public utility drivers nga mo-avail aning programa nga magsunod sa inyong schedule aron makapadayon na pud kita sa sunod nga batch.”
Sa usa ka adlaw, 100 ka tao ang ilang ma atiman aron masunod ang minimum public health standards sa IATF ug DOH.
Ang maong Libreng Medical Check-up ug medisina dili lamang alang sa mga drivers apan sunod lakang niini mao ang mga market vendors, beauty salon personnel, ug uban pa.
| Sonny L. Calizar, CIO – PIRO
📸 | Neilton Dotillos
