Hunyo 03,2021 — Nakasinati og kalipay ang mga batan-on sa mga barangay sa Dapco, Manay, ug Dalisay sa gipahitabong Relampagos Cares Feeding Program.
Matod pa ni Mitz Celmar, 23 anyos, taga-Manay na siya nalipay sa mga programa sa gobyerno ilabi na nga nakabenepisyo ang ilang barangay. “Happy ko kay nakadawat ang among barangay sa programa ni mayor. Hinaot nako magpadayon pa sa pagpalambo ang atong siyudad pinaagi sa maayong programa sa atong gobyerno,” sumala pa niya.
Ang Relampagos Cares Feeding Program usa ka programa ni City Mayor Jose E. Relampagos pinaagi sa Local Youth Development Office kauban ang City Sports Development Program. Anaa usab ang presensya sa kasundaluhan sa 27th Infantry Battalion alang maghatag og kahapsay sa lugar.
Barangay Tibungol, Sinadaton, ug Lower Panaga ang mga mosunod nga barangay nga adtoan sa Relampagos Cares Feeding Program sa Hunyo 10,2021.
Pahinumdum usab ni Local Youth Development Coordinator/ Feeding Program Oranizer Reynard C. Engada alang sa musunod na barangay na limitado lang ang pwede mutambong sa feeding program subay sa pagsunod sa IATF and City Health Protocols aron makalikay sa posibleng pagkuyanap sa COVID-19.
| Sonny L. Calizar, CIO – PIRO
📸 | Neilton John Dotillos
