Natala ang 9,735 nga bilang sa mga nabakunahan batok sa 2019 Coronavirus Disease sa Panabo City. Ang datos gikan sa City Health Office gikan Hunyo 30, 2021.

Sumala pa ni National Immunization Program Coordinator, Mafel Mugas RN nga ilang dungagan ang ilang target nga mabakunahan aron mas mapadali ang pagbakuna. “We are targeting 500 a day na ang among mabakunahan para dali ang dagan sa vaccination,” dungag pa niya.

Matod pa ni Ian Reggy Paring, maestro sa San Vicente National High School nga naapil sa A3, “I would like to encourage those nga naay ginabati like diabetes and hypertension na magpa-vaccine because at the end of the day, it is our social obligation na maka-contribute sa herd immunity.”

Sa kasamtangan, ang City Health Office nagabakuna sa mga senior citizens (A2) ug persons with comorbidities (A3). Mosunod na mabukanahan ang mga Frontline Personnel in Essential Sectors o A4.

Alang sa mga gusto magpalista ilawom sa A4 priority group, mamahimong modool lamang sa ilahang Barangay Health Station aron mahatagan og schedule sa pagbakuna.

| Sonny L. Calizar, CIO – PIRO
📸 | Ivory Dawn O. Balogbog, CIO – PIRO