Enero 12,2023 – Nagpulong ang mga komitiba sa Resettlement Planning and Implementation, Site Selection and Development alang sa pag-implementa sa Mindanao Railway Project sa Tagum, Panabo, Davao ug Digos nga adunay gitas-on nga 100.2 kilometers.

Sumala pa sa DOTr nga laoman nga masugdan sa unang kwarter sa tuig 2023 ang pagpalambo ug paghan-ay sa resettlement site nga kabalhinan nga maigo sa MRP. Maapektohan sa railway project ang 91 ka mga pamilya nga informal settlers gikan sa pito (7) ka mga Barangay sa siyudad mao ang; Brgy. Datu Abdul, Brgy. Little Panay, Brgy. Maduao, Brgy. New Visayas, Brgy. Quezon, Brgy. Southern Davao ug Barangay Tagpore. Ang tanan 91 ka mga apektado nga pamilya gilaoman nga ma-relocate sa Barangay Maduao.

Lakip sa panagpulong ang paghimo sa Local Inter-Agency Committee (LIAC) og mga resolution nga kinahanglanon sa pagsugod sa maong proyekto sa siyudad sa Panabo, kung diin si City Mayor Jose E. Relampagos ang nanguna.

Ang kalihokan nahitabo sa Function Hall, 3rd Floor, City Hall kauban sila City Administrator Pedrito A. Misoles ug mga nagkalain-laing pangulo sa matag departamento sa LGU Panabo, City Councilor Hon. Engr. Ronald Ang, National Housing Authority, Department of Human Settlement and Urban Development RO XI, Presidential Commission for the Urban Poor, Barangay Captain sa apektado nga Barangay, mga personahe sa City Housing Section, DepEd Panabo Division, PNP Panabo, mga representante sa Davao Light and Power Company ug mga personahe gikan sa Panabo Water District-Prime Water Panabo.

|✍️Mexel Gentiles, CIO – PIRU
📸: Quinn Villahermosa, CIO – Multimedia