Padayon ang pag-implementa sa Road Clearing 2.0 subay sa mando sa Department of the Interior and Local Government (DILG) pinaagi sa Memorandum Circular No. 2020-027 na Continued Implemention of Presidential Directive to Clear Roads of Illegal Obstruction. Sakop sa Road Clearing Operation ang illegal parking ug illegal vendors. Apil na niini ang mga baligya nga ni lukop na sa dalan.

Matod pa sa in-charge sa TMU nga si Alvin C.Ybañez, “Gahapon nagsugod nata sa pagpahibalo ug actual visit. Informing na voluntarily sila na mo remove sa ilang mga products and other materials na mo cause of obstruction para dili magkapenalty.”

Dili sad daw nila palampason og demolish ang mga property pinaagi sa Task Force Kahapsay sa LGU batok sa mga mosupak sa maong balaod. “Sa mga magmagahi panahon sa implemenation, mapugos ang TaskForce Kahapsay sa pag demolish ug pag-imbargo sa mga produkto nga diin nilapas sa kalsada,” sumala ni Ybañez.

Nagpahigayon na usab og meeting ang maong buhatan sa mga asosasyon ug federation sa mga tricycle driver aron sila makabalo sa mga lakang kung unsa ang mga polisiya sa Road Right of Way.

Sa adlawng lunes Pebrero 8, 2021, pagahimoon ang paghatag og notice apil na usab ang recorida para mapahimangnoan ang katawhan.

Sa Pebrero 15,2021 hantod sa mga mo sunod nga adlaw, i-implementa na ang demolition alang sa mga illegal vendors.

|Mel Hilario- CIO/PIRO
|📸 – TMU