Nagpasalamat ang mga residente sa Barangay Upper Licanan human nasugdan ang pagsemento sa ilang karsada adtong Disyembre 2020 nga mo kabat sa P24 Million. Proyekto kini sa LGU Panabo ilalom sa administrasyon ni City Mayor Jose E. Relampagos.

“Sa una, lapok ni diri inig mag ulan human karon na tagad na gayud siya sa administrasyon,” sumala pa ni Alfelyn Cabatuan nga residente sa maong Barangay. Matod pa pud ni Cabatuan nga nakahatag kini og kaharuhay sa ilang pamuyo labaw na og panahon sa tag-ulan.

Ang road concreting project sa Upper Licanan usa ka prayoridad ni Mayor Relampagos sulod sa Road Concreting and other Infrastructures. Ang mga proyekto magpadayon sa uban pang Barangay sa siyudad sa Panabo.

Gen Alforque- CIO/PIRO
Photo by : Aljun Castilla