Enero 18, 2023 – Sa inisyatibo ni Mayor Jose E. Relampagos, mas nadungagan pa ang mga proyekto sa Panabo City diin nagpahigayon og panagpulong ang katorse (14) ka mga barangay captain sa siyudad kabahin sa proyekto nga gihatag ni Sen. Koko Pimentel sa LGU Panabo ug tungod sa kagustuhan sa Mayor nga mahatagan pa og proyekto ang siyudad, wala kini nagpanuko sa pag-initiate kay para kini sa mga katawhan ug sa padayong paglambo sa Panabo City.

Ang proyekto mo kantidad sa P25 Million pesos gikan sa Department of Public Works and Highways (DPWH) nga pundo para sa usa ka Water System Project nga Solar Water System ug Solar Pumping System.

Sila nagtapok kauban si Executive Assistant III Jo-anne Relampagos-Capuyan ug Engr. Art Davis nga Staff ni Sen. Koko Pimentel aron maklaro ang dugang kinahanglanon sa muabotay nga proyekto nga ma-implementa karong tuiga.

Mao kini nga mga barangay ang makadawat sa unang proyekto gikan kay Sen. Koko Pimentel pinaagi kay Mayor Relampagos;

• Brgy. Kauswagan
• Brgy. Cacao
• Brgy. Waterfall
• Brgy. Katualan
• Brgy. Kasilak
• Brgy. Consolacion
• Brgy. Dalisay
• Brgy. Kiotoy
• Brgy. Mabunao
• Brgy. New Malitbog
• Brgy. Buenavista
• Brgy. Katipunan
• Brgy. San Nicolas
• Brgy. Manay

Dili malalis ang kalipay sa mga kapitan sa maong proyekto tungod makahatag kini og tabang sailang barangay lakip na sa mga lumulopyo.

Dako sad ang pasalamat ni Brgy. Captain Joanne D. Buco sa Brgy. Dalisay tungod mo-kabat og kapin 500 ka mga residente ang makabenepisyo sailang barangay sa water system project.

| MCG
📷 Q. Villahermosa