Gisugdan na usab ang Sabayang Patak Kontra Polio sa City Health Office sa tanang barangay adlawng Hulyo 20,2020, Lunes, bisan pa man adunay hulga sa Pandemiya sa COVID-19.
Sa Cagangohan, adunay 70 na ka mga bata ang nahatagan sa lima ka purok. Ang uban pang Purok naka skedyul sa musunod na mga adlaw.
“Sa mga inahan nga nag duha-duha nga ipa vaccine ilang anak atong huna-hunaon na wala pay COVID-19, anaa na kining anti-polio vaccine og wala kini side effects nga natala,” mensahe ni Joan Vanessa Elio, Rural Midwife Sa Barangay Cagangohan.
Ingon sa mga health experts, ang Polio Virus makuha sa hugaw sa tao nga mo kapot sa tubig o pagkaon. Delikado kini inig makaon o mainom sa tao.
Kung adunay Polio Virus sa lawas, makabati sila og kalintura, pagkaluya, pag gahi sa liog, ug pagbinhod sa mga tiil og kamot.
Gitakna nga hantod Agosto 2,2020 ang pagbarangay alang sa Anti Polio Vaccine aron mahatag kini sa mga bata og maluwas sila sa maong sakit.
Gitinguha na masunod sila sa lakang sa kaluwasan batok COVID-19.
| Gen Alforque/ PIRO- CIO
Categorized in Featured