Nakakuha og 93.7% nga rating ang LGU Panabo sa gipahitabong Energy Audit nga gihimo sa Department of Energy (DOE), adtong Enero 30, 2024 atol sa exit conference didto sa CMO Conference Room.
Tumong sa pagpahigayon og Energy Audit sa Government Energy Management Program (GEMP) base kini sa Republic Act 11285 o ang Energy Efficiency and Conservation Act of 2019 aron mahibaw-an ang konsumo sa paggamit og enerhiya sa usa ka pasilidad kung sakto o sobra ba ang paggamit niini. Makatabang usab kini sa pagtinoon sa sitwasyon diin adunay panginahanglan sa pagpalambo og enerhiya nga mamahimong episyente sa paggamit ug pagkunhod sa gasto sa produksyon.
Atol sa Audit, anaa ang Energy Efficiency and Conservation Team sa LGU Panabo nga gipangunahan ni Acting City Planning and Development Coordinator/EEC Officer Engr. Felix Jonases Senajon ug Asst. City Administrator Brenda M. Sauping alang sa pag-andam sa mga kinahanglanon sa DOE sa maong validation.
Aron makita kung sakto ba ang paggamit ug pagtuman sa Energy Efficiency and Conservative Measures, mibisita ug gisusi sa mga personahe sa DOE ang nagkalain-laing opisina sa LGU Panabo.
Ug dili lamang sa energy consumption ang gitan-aw sa mga personahe sa DOE apil nasad niini ang inventory list sa mga office equipments ug sakyanan nga mo gamit og enerhiya ug fuel consumption sa siyudad sa Panabo.
Sa programa, gitambungan kini ni Mayor Jose E. Relampagos, DOE Central Roland C. Basco, Louise Andrea B. Melquiades, Angela Mae L. Concepcion, ug DOE Mindanao Field Office Jesther Marlou C. Orong.
#ServicetoPanaboansServicetoGod
Categorized in Featured