Gipangapod-apod sa 72 ka mga benepisyaryo na Grade 6 pupils sa Narciso B. Galapin Elementary School ang mga school supplies na gihatag sa ilahang stakeholder adtong Oktubre 26, 2022.

Ang kanhing stakeholder mao si Edward K. Tom, diin usa ka businessman. Sumala pa ni Lovely Karen C. Melencion representante ni School Principal Irhyn E. Petalcorin na 11 years na gahatag si Mr. Tom sa mga grade 6 pupils sugod pa kaniadtong 2012. Sulti pa niya, “Mapasalamaton kami sa makanunayong suporta sa atong stakeholder. Always na since from the very beginning sa pagdonate og mga gamit para sa among mga grade 6.” Ang kalihokan ubos sa Brigada Eskwela Campaign na Gusto ko HAPI ka! o ang Handang Alalay Para sa Ikauunlad ng Kapwa project.

Gawas pa sa mga school supplies, apil na usab ang mga school obligations na gihatag isip donasyon. Saysay ni Mr. Tom na ang iyahang hangyo lamang sa mga estudyante na magtarong og skwela aron makahuman ug makalingkawas sa kalisod sa kinabuhi.

Nagpaabot usab og mensahe si City Administrator Pedrito A. Misoles isip representante ni City Mayor Jose E. Relampagos alang sa mga estudyante lakip na ang mga ginikanan na dili babag ang kalisod kung gusto molambo, “Maningkamot tag taman para sa atong sarili ug sa atong mga anak. Ang kalamboan muduol sa taong kugihan. Poverty is not a hindrance to success.” Dugang pa niya na dili tanan barangay adunay stakeholder na hingpit ang suporta sa edukasyon sama ni Mr. Tom ug nagmalaumon siya na dili unta kini masayang lang sa wala.

Atol sa kalihokan, anaa ang presensya nila Barangay Capt. Manolito Alcober, mga ginikanan, ug magtutudlo sa tulonghaan.

lM. Lagura
Photos: M. Gentiles