ABRIL 29,2021 — Relampagos Cares Feeding Program naabot na sa Barangay Waterfall, Katipunan ug Little Panay diin nakabenepisyo og 510 ka mga kabataan. Gawas sa paghatag og masustansyang pagkaon, nagpahigayon usab og mga padula ug magic show.

Nagpaabot og pagpasalamat si Apple Serna, 28 anyos, kay Mayor Jose E.Relampagos nga naapil iyang duha ka anak sa programa. “Hinaot nako na magpadayon gihapon ang pag-care ni Mayor sa mga katawhan dire sa Panabo,” dungag pa niya.

Ang kalihokan usa ka programa ni Mayor Relampagos alang sa mga kabataan sa Panabo City pinaagi sa Local Youth Development Office ug City Sports Development Program. Nitambong usab ang mga kasundalohan sa 27th Infantry Battalion alang sa kahapsay sa lugar.

Mo-abante ang Relampagos Cares Feeding Program sa Barangay Katualan, San Roque, ug Mabunao karong Mayo 06,2021.

| Sonny L. Calizar, CIO – PIRO
📸 | Rommel Cayas