September 14, 2022 — Opisyal na gi-abrihan ang selebrasyon sa Philippine Councilors League (PCL ) WEEK 2022 diin gisalmutan kini sa tanang konsehales sa Davao del Norte. Mao kini ang ika 29th league ubos sa Presidential Proclamation No. 212 nga nagdeklara nga ang unang semana sa Septiyembre matag tuig mao ang PCL WEEK nga adunay tema na “PCL: Enabling Councilors Nationwide as Agents of Sustainable Economic Development Through Quality Local Legislations Towards Digital Governance and Food Security” nga gipahitabo sa Carmen Gym, Carmen Davao del Norte.

Gisugat ni Munisipal Mayor Hon. Leony Bahague ang tanang partisipante. Matod pa niya siya mapasalamaton nga ang Carmen maoy napili na venue host sa unang adlaw sa PCL WEEK. Upat (4) ka-adlaw ang pagsaulog niini.

Sugyot pani PCL Davnor President ug Panabo City Councilor Hon. Atty. Bonna Jumamil nga gahandom siya nga makatukod og PCL Building sa Davao Del Norte alang sa tanang miyembro nga mamahimong lugar sa panagpulong puhon damlag.

Minghatag usab og mensahe si Provincial Director of DILG Jonathan Leybag nga dako iyang pagsalig sa mga partisipante nga muhimo og mga balaodnon labi na karong panahon sa krisis. “Tabangan ang lungsod, tabangan ang probinsya. We will work as one”, ingon pa ni Leybag.

Alang sa dugang kasayuran, aduna silay pagahitabuon na Community Service Outreach Program sa Buclad Elementary School, Asuncion, Davao Del Norte u gang pag apud-apod og food packs alang sa mga Lumad sa Talaingod , Davao Del Norte.

MABUHAY ANG PCL DAVNOR !

✍️Dolly G. Amag, CIO-PIRO
📸Rommel Cayas, CIO-Multimedia