Human ma turn-over ni City Mayor Jose E.Relampagos ang Police Community Outpost sa Quirino St.-Corner Magsaysay Street adtong Hunyo 24,2021, abri na sila alang sa katawhan nga mangita og tabang ug seguridad sa
kapulisan. Dool na sa publiko ang serbisyo sa mga kapulisan pinaagi sa inisyatibo ni Panabo PNP Chief of Police PLTCOL Atty. Verna L.Cabuhat.

Ang Police Community Outpost andam na modawat og gustong magpa Police Blotter kabahin sa mga nawala nga butang ug andam sila nga mo responde sa tanan nga mangayo og tabang. Aduna usab sila ginapahigayon nga night and day patrolling nga momentinar sa kahapsay sa public market ug ubang establisyamento sa poblasyon.

Mahinumdoman nga sa tabang sa LGU Panabo ug mga private individuals nahimong posible ang pag renovate og pagpabag-o sa pasilidad sa outpost. Padayon gihapon ang operasyon sa Panabo Police Station nga nahimutang sa Barangay JP Laurel, Panabo City.

Hugot usab na gipa tuma sa Police Community Outpost ang minimum public health protocol batok Covid19.

|Gene Alforque – CIO
📸 | Pnp Davnor Panabo