Padayon ang pagpanghatag og libreng serbisyo sa lagyong barangay sa Panabo aron mapaabot kanila ang nag-unang serbisyo nga panggobyerno sama sa libreng Rehistro, libro, medical check up, eye check up, ug uban pa nga gipangoluhan ni City Mayor Jose E. Relampagpos inubanan sa Barangay Administrative Enhancement Program o BAEP, kapulisan, ug kasundalohan.

Nagpadayon sad ang forum nga gipahamtang sa DILG aron masiguro ang kahapsay og kalinaw sa matag Barangay alang sa mga punong barangay, kagawad, ug mga functionaries aron ila kining mapatuman sa ilang gisakopan.Sila gipaminaw sab sa ilang mga pangutana, mulo, ug suhisyon aron mapaabot kini sa lokal nga panggamhanan sa Panabo.

Gi-awhag ang tanang residente nga mag dala og QR Code sunod sa mandato sa Probinsya sa Davao del Norte aron masiguro nga dali lang ang contract tracing batok Covid19.

Gen Alforque- CIO/PIRO
📸 – Aljun Castilla/MCG