Sa padayong paghatod og libreng serbisyo gikan sa opisina ni City Mayor Jose E. Relampagos, miabante ang Serbisyong Barangay sa Barangay Kasilak diin adunay 286 ka mga indibidwal ang misalmot sa pag avail niini adtong Pebrero 11,2022.

Sa maong kalihokan, gipahigayon ang pagpanghatag sa nagkadaiyang libreng serbisyo sama sa bitamina ug medisina, pagpacheck-up ug pagpabakuna sa alagang hayop. Wala usab nagpaulahi sa paghatod ang Delfin Optical sa libreng eye check-up ug glasses.

Ang Serbisyong Barangay usa ka programa nga adunay katuyoan nga ihatod ang tabang sa mga katawhan ilabi na nga mas mapadoul kanila ang tabang gikan sa gobyerno.

Alang sa sunod schedule, anaa ang Serbisyong Barangay sa Barangay Katipunan karong Pebrero 14,2022.

|I.Balogbog, CIO-PIRO
📸 CMO