“Batang Pinoy, Sana Tall… Iwas Stunting, SAMA ALL! Iwas All Din Sa COVID-19” ang tema sa ika-46 nga bulan sa nutrisyon nga gipahibato kada bulan sa Hulyo. Pinaagi sa National Nutrition Council (NNC) ug Department of Health (DOH), nagpadayon ang binulan nga pagsaulog taliwala sa pandemiya nga gi-atubang sa katawhan.
Nahimo kining inspirasyon sa usa ka konsehal sa Sangguniang Kabataan nga nag-inisiyatibo og programa sa ilang barangay.
Si SK Councilor Hon. John Son Sujero sa Cagangohan nagpasiugda og House to House feeding program alang sa mga kabataan nga ga edad og 10-anyos paubos. Tumong niya ang pagpadayon sa nutrition program bisag ang mga bata gimandoan nga magpabilin lamang sa ilang tagsa-tagsang mga panimalay.
“Dako akong pasalamat kay Mayor Joe Relampagos ug kay Maam Jo-anne Relampagos-Capuyan sa pagdawat sa akong hangyo kanila nga maghimo ako og ingon ani nga programa. Anaa sila andam mo tabang aron mahimo ni atong house to house feeding program,” Matod pa ni Sujero.
Ang mga benepisyaryo makalambit usab sa maong programa ug makasinati sa pagsaulog taliwala sa gikaatubang nga pandemya sa syudad uban ang proper physical distancing ug mga pahimangno gikan sa City Health Office sa siyudad.
| John Son Sujero
| 📸 – Harold Jade Dolon Sanoria, Princess Marla Palabao, Chris Dian Jaictin Cocal
