Gilatag ni City Mayor Jose E. Relampagos sa iyang ika-tulong State of the City Address (SOCA) ang iyang mga naimplementar nga mga polisiya, proyekto, programa, ug mga kalihokan sulod sa iyang unang termino atol sa pagsaulog sa ika-21st Araw ng Panabo subay sa temang: “Pagsaulog sa Kalamposan, Padayon Panaboans.” Gipahigayon ang SOCA sa Panabo Multipurpose Tourism, Cultural and Sports Center adtong Marso 16, 2021.

Highlights sa maong report ni City Mayor Relampagos ang accomplishments nga napahimo ubos sa:

1. Institutional;
2. Infrastructure;
3. Economic;
4. Environment;
5. Social.

Lakip na ang paglatag sa mga proyekto niya sulod sa tuig 2022 ilawom sa iyang mga Developmental Plans.

Gawas sa award, giila ang siyudad nga Most Liveable and Sustainable Component City in the Philippines sa sustainability standards incorporated tungod sa suporta ug makugihon nga pagpanarbaho sa matag opisina sa lokal nga panggamhanan sa siyudad.

Sa tuig 2022, awardee si Mayor Relampagos isip Honorary Local Chief Executive of the Year sa Nation Builders and MOSLIVE Awards sa Makati City.

Sumala ni Mayor Relampagos, “Nalipay ako nahuman ang akong unang termino nga mi-apaw ang mga serbisyong gidalit ko kaninyo”, ingon ni Mayor Relampagos, “Akong saad kaninyo nga doblehon nako akong agi” dugang pa niya.

Mapasalamaton si Mayor Relampagos sa salig sa katawhan sa siyudad sa Panabo nga maoy nakahatag sa iyaha og lig-on nga suporta aron makabot ang kabag-ohan sa siyudad.

Anaa sa kalihokan si First Lady Josephine G. Relampagos, Executive Secretary Josie Mary G. Relampagos, Executive Assistant III Jo-anne Relampagos Capuyan, City Sports Program Coordinator Gerald V. Capuyan, 2nd District Board Member Janris Jay G. Relampagos, City Councilors Hon. Janno Paolo Gentiles, Hon.Emeterio Blase ug Hon. Conrad Theodore Matutino, Provincial IPMR Datu Ariel S. Macla, Schools Division Superintendent Reynante A. Solitario, EdD, CESO VI, Assistant Schools Division Superintendent Phoebe Gay L. Refamonte, CID Chief Janwario Yamota, SGOD Chief Dr. Ailene Anonuevo, Secondary School Head Manuel Esperanza, Elementary School Head Julius Suelto, LGU Panabo Department Head, Assistant Department ug LGU Employees, National Government Agencies (NGA), Non-Governnment Organizations (NGO), Dep-Ed Panabo Teaching Forces, Members of Partido Reporma, Civic Civil Social Organizations, Panabo City National High School Band ug AQC Performing Arts.

Suportado usab ang kalihokan sa PNP Panabo, 89th Infantry Battalion,BFP Panabo, BJMP Panabo, Maritime Police, Coast Guard ug SAP aron masiguro ang seguridad sa kalihokan.

Makita ang live coverage sa SOCA 2022 dinhi sa link: https://fb.watch/bOyEsT2EWm/

|Romel Dulla/CIO-SOCA 2022 Secretariat
|📸Francis Paculanang, Rommel Cayas/CIO-Multimedia Unit