October 26, 2022 – Nadawat na sa Southern Davao Elementary School ang bag-ong one-storey school building nga adunay duha (2) ka classroom with comfort room gikan sa LGU Panabo. Gi-turnover kini ni Executive Secretary Josie Mary G. Relampagos isip representa ni Mayor Jose E. Relampagos. Ang maong building mo kantidad og P3 Million ilawom sa Local School Board nga pundo sa Lokal nga Panggamhanan sa Panabo.

Sumala pa ni Executive Secretary Josie Mary G. Relampagos nga ampingan ang bag-ong gambalay nga gihatag sa LGU kay kini magamit sa mga batang nangandoy mahimong usa ka propesyonal. “Maningkamot ang LGU bisan sa limited nga budget mahatagan natog importansiya ang mga kinahanglanon sa edukasyon”, dugang pa ni Executive Secretary Relampagos.

Gidawat usab ni School Head Rosselle N. Pasaport ang key of responsibility nga isip pamatuod sa pag amping sa bag-ong tulonghaan gikan sa LGU Panabo.

Ang maong proyekto, apil sa 10-point Executive Agenda ni City Mayor Jose E. Relampagos nga Educational Support.

Anaa ang presensiya nila City Administrator Pedrito A. Misoles, Brgy. Captain Hon. Jose Resurrection sa Barangay Southern Davao kauban iyang mga konsehales, DepEd personnel Engr. Eric Valencia, Erna Lumandong, mga magtutudlo sa Souther ES, ug mga PTA Officers.

#ServicetoPanaboansServicetoGod

| M. Gentiles
📸 E. Pan & R. Cayas