December 2,2021 – Nagpahigayon si City Mayor Jose E.Relampagos og Stress Management Training alang sa 95 ka mga education supervisors, principals, schools heads, school-in-charge, ug mga opisyales sa Department of Education – Panabo City Division sa Dusit Thani Residence, Davao City. Nanguna sa maong kalihokan ang City Mayor’s Office kauban ang City Scouting Program, Gender and Development Section, ug City Information Office.

Si Erlinda “Erly” Salac-Curro ang Resource Speaker sa Stress Management Training. Siya usa pud ka eksperto sa public speaking ug leadership. Si Erly usa ka awardee sa Lingkod TV sa National Council for Children’s Television (NCCT) ug author sa pipila ka libro sama sa Check Your English Grammar Using Visayan Language translated into Tagalog version ug mga librong pambata.

Nagpasalamat usab si Schools Division Superintendent Dr. Reynante A.Solitario, CESO VI, sa oportunidad nga gihatag ni Mayor Relampagos alang sa mga educational leaders sa DepEd Panabo. Ang Stress Management Training ang una nilang oportunidad nga magtapok human sa duha ka tuig nga community quarantine.

Sa Stress Management Training, anaa si Executive Assistant III Jo-Anne R.Capuyan, Assistant City Civil Registrar/GAD Head Libertad V.Regis, City Information Officer Michael Angelo A.Resueño, Sports Development and Scouting Program Coordinator Gerald Capuyan, ug si Assistant SDS Phoebe Gay L.Refamonte, CPA, CESE.

Ang kalihokan nagsunod sa minimum public health standards.

|cio