Hunyo 11,2021 – Gihisgutan sa Liga ng mga Barangay Captain ang bagong Executive Order No. 26 o ang pagpailawom sa Davao Del Norte sa General Community Quarantine “GCQ” hilabi na ang probisyon niini kabahin sa pagbawal sa mga panagtapok. Ang EO 26, nga gi aprubahan ni Provincial Governor Edwin I. Jubahib kauban ang pagtugot sa mga mayor sa probinsya, nasugdan og implementa adtong Hunyo 10,2021 hantod Hunyo 30,2021.

Dungag pa, gikinahanglan adunay permit gikan sa sa IATF sa siyudad pinaagi sa pagpamatood sa mga Barangay Captains gamit ang Barangay Certificate. Sa sulod usa ka venue, 30% lamang sa katibok-an nga kapsidad ang pwede makatambong sa kalihokan.

“Kung naay mga event sa inyong lugar, mag-inform mo daan o adto mo sa police station para hapsay ug ma-implementar ang social distancing,” ingon pa ni PTLCOL. Atty. Verna L. Cabuhat. Giawhag usab niya ang tanan nga magtabang og monitor ug implementa sa balaod, lakip na ang pagsunod sa polisiya.

Sa mensahe ni City Mayor Jose E. Relampagos, saysay niya, “Manghangyo lang ko ninyo na suportahan ang atong Executive Order atol sa GCQ.” Iyang gi awhag ang mga katawhan nga magtuman sa balaod aron makabalik na sa normal ang tanan. “Kung akoy pabut-on, di ko gusto nga ang kinabuhi sa katawhan masira maong magtinabangay ta.”

Ang maong kalihokan gitambungan nila City Mayor Jose E. Relampagos, Hon. Conrad Theodore A. Matutino, Acting City Health Officer Eranie L. Pangilinan, PTLCOL. Atty. Verna Cabuhat, City Local Government Officer VII Danilo M. Hernandez ug mga Barangay Captains.

| Margot Lagura, CIO GIP
| Romel Cayas, CIO Multimedia