Alang sa mga estudyante nga myembro sa indigenous peoples ug muslim nga mo eskwela og kolehiyo, adunay Study Grant for Indigenous People and Muslim nga programa sa City Government of Panabo. Magsugod og dawat og mga aplikante sa adlawong Hunyo 15,2020 hantod Hulyo 10,2020. Requirements ang school card, affidavit of low income, barangay clearance, sertipiko gikan sa Panabo City Tribal Council alang sa mga IP ug sertipiko gikan sa Office of Muslim Affair alang sa mga muslim na aplikante.

Matod pa ni City Administrator’s Office Scholarship Program in-charge Louella D. Lapay , baynte (20) lang daw ka indigenous ug muslim nga mga aplikante ang makakuha sa scholarship.

Dungag pa ni lapay, “Adunay mga gagmay na pagbago sa pagpasa sa mga kinahanglanon sa maong scholarship. Isa na niini ang pagtanggal sa good moral, wala nay pagahimoon na eksaminasyon, ug pinaagi na sa tawag ang pag interview sa mga aplikante.”

Gi himong libre na usab ang pagkuha og affidavit of low income. Magdala lang og Certificate of Low Income na gikan sa barangay. Kining sebisyo gihimong libre ni City Mayor Jose E. Relampagos ug Executive Assistant Jo-Anne Relampagos-Capuyan.

Hunyo 15-19 ug Hunyo 22- 26 ang information drive sa 40 ka barangay alang sa paghatag og impormasyon sa katawahan. Hulyo 2020 pagahimoon ang paginterview sa mga nakapasa sa screening.

Ang mga requirements ipasa lang sa City Administrator’s Office, 3rd floor, Panabo City Hall.

Alang sa dugang pangutana, kontaka lang si Louella Lapay sa numero 09566580033 o sa telepono (084) 822-7320 o pinaagi sa email wheng_lapay@yahoo.com.ph