Disyembre 29,2020, adunay 11 ka mga former ug kasamtangang SPES grantees ang ginganlan nga Successful ug Outstanding Panaboans SPES 2020 sa City Mayor’s Office, City Hall, Panabo City. Kini gi organize sa Public Employment Service Office nga gipangulohan ni Cherelle B.Espinosa.

Gikan sa unom (6) ka nominees para sa Successful Panaboans SPES, tulo (3) lamang ang napilian. Mao ni sila ang mga former SPES beneficiaries sa Panabo na sila Cyrel Jen Etulle, Marjorie Tablada, ug Mary Grace Tolentino nga mga kasamtangang mga maestra sa mga pampublikong eskwelahan.

Samtang gikan sa 339 SPES grantees sa 2020, lima (5) ang nagawaran og Outstanding SPES award. Mao kini sila Arnolyn Z. Ferrer, Miguel Adam Divinagracia, Sarah Jane Loquire, Sarah Alberto Librero, ug Mike Vincent Dave B. Mullot.

Matod pa ni PESO Manager Cherelle B. Espinosa, “Ang criteria para maapil sa Successful Panaboans SPES kay dapat naa sila’y regular employment, permanent employee for at least 2 years ug 2 years SPES experience. Aside from that, naa na sila’y contribution sa community ug nakatabang sila sa ilahang pamilya. Ang criteria sa Outstanding SPES adunay magnominate sa ilaha base sa ilahang performance sa assigned offices sa City.”

Si Etulle, Successful Panaboans SPES Awardee, nagsaysay sa iyang gibati pagkadaog niya. Ingon ni Etulle,”Thankful ko kay ako jud ang napili sa tanan nominees. Nagapasalamat sad ko sa PESO ug kay Mayor kay gigahinan niya og oras ang awarding.”

Matod pa ni Librero nga usa ka Outstanding SPES Awardee nga proud ug wa niya damha nga napilian siya. “Dako kaayo akong pasalamat sa PESO kay gihatagan ko ani nga award ug naappreciate mi nila,” dugang pa niya.

Kada Successful Panaboans SPES awardee nakadawat og plaque ug P5,000 worth of groceries, ug usa ka sako nga bugas, samtang ang mga Outstanding SPES awardees nakadawat og cash incentives ug certificates.

| Margot Lagura CIO – GIP
Photos Ivory Dawn Balogbog CIO – PIRO